(ព្រះសីហនុ)៖ នៅរសៀលថ្ងៃទី៧ ខែកញ្ញា ឆ្នាំ២០១៨នេះ កំលាំងចំរុះនគរបាល និងកងរាជអាវុធហត្ថខេត្តព្រះសីហនុ បានសហការគ្នាចុះតាមដងផ្លូវ ធ្វើការត្រួតពិនិត្យ ឆែកឆេររុករកអាវុធជាតិផ្ទុះ រុករក គ្រឿងញៀន ត្រួតពិនិត្យ អ្នកបើកបរ មានផ្ទុកជាតិស្រវឹង និងត្រួតពិនិត្យអ្នកបើកបររថយន្ត គ្មានប័ណ្ណបើកបរ ឬ ប្រើប្រាស់ប័ណ្ណបើកបរមិនត្រឹមត្រូវ ដើម្បីបង្ការទប់ស្កាត់បទល្មើសគ្រប់ប្រភេទ រួមចំណែកថែរក្សាសន្តិសុខសណ្តាប់ធ្នាប់សាធារណៈ ការពារអាយុជីវិត ទ្រព្យសម្បត្តិ សេចក្តីសុខសាន្តសាធារណៈ ជូនប្រជាពលរដ្ឋឲ្យមានភាពកក់ក្តៅ កាន់តែល្អប្រសើរឡើង។
លោកវរសេនីយ៍ត្រី ចាន់ សេដ្ឋា នាយរងការិយាល័យការពារអន្តរាគមន៍បានឲ្យដឹងថា៖ ដោយអនុវត្តនតាមការណែនាំ របស់លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កងកម្លាំងនគរបាល និងកងរាជអាវុធហត្ថ សហការគ្នាធ្វើការត្រួតពិនិត្យជាប្រចាំ ដោយចល័ត ផ្លាស់ប្តូរទីកន្លែងផងដែរ ៕
