ខេត្តព្រះសីហនុ៖ នៅព្រឹកថ្ងៃទី១០ ខែកក្កដា ឆ្នាំ២០១៩ ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន និងឯកឧត្តម គួច ចំរើន អភិបាលខេត្តព្រះសីហនុ បានដឹកនាំកិច្ចប្រជុំស្តីពីការត្រួតពិនិត្យបញ្ហាប្រឈម និងដំណោះស្រាយនានា ពាក់ព័ន្ធនិងប្រព័ន្ធលូមេរំដោះទឹកភ្លៀង ប្រព័ន្ធលូមេរំដោះទឹកកខ្វក់ និងការស្ថាបនា ផ្លូវដែលមានការខូចខាតក្នុងខេត្តព្រះសីហនុ ។
មន្ត្រីសាលាខេត្តព្រះសីហនុ ដកស្រង់យកលទ្ធផលនៃកិច្ចប្រជុំនេះមកបញ្ជាក់ថា សំរាប់បញ្ហាលិចលង់ដោយជំនន់ទឹកភ្លៀង និងបញ្ហាខូចខាតផ្លូវក្នុងខេត្តព្រះសីហនុដែលកើតមានកន្លងមកនេះ រដ្ឋបាលខេត្តព្រះសីហនុ រួមជាមួយក្រសួងសាធារណការនិងដឹកជញ្ជូន នឹងខិតខំធ្វើការដោះស្រាយអោយបាន ក្នុងពេលឆាប់ៗខាងមុខនេះ៕
