ខេត្តព្រះសីហនុ៖ នៅព្រឹកថ្ងៃសៅរ៍ទី ២០ ខែកក្កដា ឆ្នាំ២០១៩ ឯកឧត្ដម សាយ សំអាល រដ្ឋមន្រ្តីក្រសួងបរិស្ថាន ក្នុងនាមប្រធានក្រុមការងារថ្នាក់ជាតិចុះជួយខេត្តព្រះសីហនុ ឯកឧត្ដម ជា ហុឹម ប្រធានក្រុមប្រឹក្សាខេត្ត និង ឯកឧត្តម គួច ចំរើន អភិបាលខេត្តព្រះសីហនុ បានអញ្ជើញជាអធិបតីក្នុងពិធីសំណេះសំណាលជាមួយលោកគ្រូ អ្នកគ្រូ និងសិស្សានុសិស្សក្នុងក្រុងព្រះសីហនុ ដែលត្រៀមប្រឡងសញ្ញាបត្រមធ្យមសិក្សាទុតិយភូមិឆ្នាំនេះ។
ពិធីជួបជុំសំណេះសំណាលនេះធ្វើឡើងនៅ សកលវិទ្យាល័យ ឡាយហ្វ៍ ក្រុងព្រះសីហនុ។
សូមបញ្ជាក់ថា បើតាមប្រធានមន្ទីរអប់រំយុវជននិងកីឡាខេត្តព្រះសីហនុអោយដឹងថា សម្រាប់ខេត្តព្រះសីហនុឆ្នាំ ២០១៩ នេះមានមណ្ឌលប្រឡងចំនួន៥ ក្នុងនោះនៅក្រុងព្រះសីហនុចំនួន៣មណ្ឌល និងនៅស្រុកព្រៃនប់មានចំនួន ២មណ្ឌល មានបេក្ខជនសរុបចំនួន១៥៧០នាក់ ស្រី៧៤៤នាក់ ក្នុងនោះមានបេក្ខជនស្វ័យរិនចំនួន ២០៣នាក់ ស្រី៨៩នាក់៕
