ខេត្តសៀមរាប៖ ថ្ងៃទី១៨ ខែកក្កដា ឆ្នាំ២០១៧ម្សិលមិញនេះ នៅឧទ្យានជាតិភ្នំគូលែន ស្រុកស្វាយលើ លោក គឹម ឆៃហៀង អភិបាលរងខេត្តសៀមរាប ជាតំណាងលោកអភិបាលខេត្ត និងលោក យិន គឹមស៊ាន រដ្ឋលេខាធិការក្រសួងបរិស្ថាន បានជួបសំណេះសំណាលជាមួយមន្ត្រីរាជការ ព្រមទាំងប្រជាពលរដ្ឋប្រមាណ៣០០នាក់ និងបានដាំកូនឈើចម្រុះពូជចំនួន២០.០០០ដើម លើផ្ទៃដីចំនួន៣.៥ហិកតា និងចែកកូនឈើហូបផ្លែចំនួន១៥.០០០ដើម ជូនតំណាងសហគមន៍ទាំង៥ ព្រមទាំងប្រជាពលរដ្ឋដែលរស់នៅឃុំខ្នងភ្នំ។ លោក គឹម ឆៃហៀង អភិបាលរងខេត្តសៀមរាប បានបន្តថា ចាប់ពីថ្ងៃទី១៩នេះតទៅ យើងនឹងធ្វើពិធីដាំកូនឈើបន្តទៀត នៅលើខ្នងភ្នំគូលែន ចំនួន៥០.០០០ដើមលើផ្ទៃដីប្រមាណ៧ហិកតា៕