អ្នកសិល្បៈជាច្រើនផ្ញើសារចូលរួមរំលែកទុក្ខសព សាន ស្រីឡៃ ក្នុងឱកាសបុណ្យសព តារាចម្រៀងប្រចាំផលិតកម្មហង្សមាស និងជាអតីតបេក្ខភាព The Voice Cambodia រដូវកាលទី២។ ក្នុងនោះមាន អ្នកនាង ពេជ្រ សោភា អ្នកនាងសុខ ពិសី លោក បញ្ញា សិទ្ធ និងផលិតកម្មហង្សមាស…ខណៈដែលសពរបស់ ស្រីឡៃ នឹងត្រូវគេបូជានៅថ្ងៃស្អែកស្ថិតនៅក្នុងវត្តសែនសុខ ខណ្ឌសែនសុខ រាជធានីភ្នំពេញ។ អ្នកនាង ពេជ្រ សោភា តារាចម្រៀងល្បីរបស់ហង្សមាសបានសរសេរក្នុង Facebook(ហ្វេសប៊ុក)នាងថា៖ រឿងក្មុងចិត្ត ដែល សាន ស្រីឡៃ មិនអាចនិយាយបាន នាងតែងតែប្រាប់ខ្ញុំ ពីរឿងក្នុងចិត្តនាង យើងនៅមិនទាន់បានច្រៀងបទនេះជាមួយគ្នានៅលើឆាកទេ នាងទៅចោលបទចម្រៀងហើយ សុំជាតិក្រោយកុំអោយជួបដូចជាតិនេះណា ស្រីឡៃ។នាងថាស្រលាញ់ខ្ញុំណាស់ ចង់ច្រៀងជាមួយណាស់ អត់បានលុយក៏ទៅដែរ ឱ្យតែបានច្រៀងជាមួយបង។ នាងខ្ញុំ ពេជ្រ សោភា សូមចូលរួមរំលែកទុក្ខដល់ក្រុមគ្រួសារ នៃសព សានស្រីឡៃ ផង! សូមវិញាណក្ខន្ធអូនទៅបានសុខចុះ! ចំណែកនាង សុខ ពិសី តារាចម្រៀងប្រចាំផលិតកម្មសាន់ដេបានលើកឡើងថាសូមចូលរួមរំលែកទុក្ខផងប្អូនស្រីទោះយើងមិនធ្លាប់បានជួបគ្នាប៉ុន្តែបងពិតជាក្តុកក្ដួលណាស់ពេលបានដឹងដំណឹងដ៏ក្រៀមក្រំនេះសូមដួងវិញ្ញាណក្ខន្ធប្អូនស្រីទៅកាន់សុគតិភព។ រីឯលោកបញ្ញាសិទ្ធ បាននិយាយនៅក្នុគណនី Facebook(ហ្វេសប៊ុក)លោកថា ព្រះអើយម្តេចបានអូនទៅចោលបងចឹង? ស្រី ឡៃ ហេតុអី? បងមិនជឿទេ គេកុហកបងទេ!ដោយឡែកផលិតកម្មរស្មីហង្សមាសក៏បានចេញសារចូលរួមរំលែកទុក្ខដ៏ក្រៀមក្រំនេះចំពោះសព សាន ស្រីឡៃ ហើយខាងស្ថានីយ៍ទូរទស្សន៍ហង្សមាស នឹងចំណាយថវិកាទាំងស្រុងលើការៀបចំបុណ្យសពតារាចម្រៀង សាន ស្រីឡៃ ដែលជាតារាចម្រៀងប្រចាំផលិតកម្មហង្សមាស និងជាអតីតបេក្ខភាព The Voice Cambodia រដូវកាលទី២នេះ។ សូមបញ្ជាក់ថា តារាចម្រៀង សាន ស្រីឡៃ បេក្ខភាព The Voice Cambodia រដូវកាលទី២ ត្រូវបានគេបាញ់សម្លាប់ រួចខ្មាន់កាំភ្លើងបានបាញ់សម្លាប់ នារសៀលថ្ងៃទី១៦ ខែតុលា ឆ្នាំ២០១៧ នៅច្រកចូលមន្ទីរសម្រាកព្យាបាលមួយ នៅក្បែរទូរទស្សន៍ប៉ុស្តិ៍អប្សរា តាមបណ្ដោយផ្លូវ៣៦០ ស្ថិតក្នុងសង្កាត់បឹងកេងកងទី១ ខណ្ឌចំការមន រាជធានីភ្នំពេញ ។ ជនរងគ្រោះ សាន ស្រីឡៃ ត្រូវបានខ្មាន់កាំភ្លើងបាញ់ចំនួន ៣គ្រាប់ ស្លាប់ភ្លាមៗក្នុងថ្លុកឈាម ហើយជនដៃដល់បានបាញ់ខ្លួន ១គ្រាប់ ចំសៀតផ្កា ស្លាប់ភ្លាមៗផងដែរ ។ បើតាមការសន្និដ្ឋានដំបូងរបស់សមត្ថកិច្ចថា “ជារឿងស្នេហាត្រីកោណ” ហើយអ្នកឃាតករត្រូវបានគេសង្ស័យថា ជាអតីតស្វាមីអ្នកនាង សានស្រីឡៃ ឈ្មោះ ជ័យ រិន ជាប្តីទី២របស់នាង និងជាមន្ត្រីគយម្នាក់ ។ សាន ស្រីឡៃ អាយុ ២៣ឆ្នាំ មានស្រុកកំណើតនៅ ក្រុងប៉ោយប៉ែត ខេត្តបន្ទាយមានជ័យ បច្ចុប្បន្នកំពុងតែថតរឿង«រាជិនីភូមិគ្រឹះ»មិនទាន់ចប់ និងចេញ MV មួយមិនទាន់ដាក់លក់ផងដែរ៕
