ព្រឹកថ្ងៃទី២៥ ខែមិថុនា ឆ្នាំ២០១៧លោក ម៉ននី បណ្ឌិត អភិបាលស្រុកស៊ីធរកណ្ដាល បានចុះពិនិត្យ ដំណើរការ កសាង អភិវឌ្ឍន៍ផ្លូវមួយខ្សែ ដែលឆ្លងកាត់២ឃុំ គឺព្នៅទី១ និង ឃុំព្នៅទី២ ក្នុងស្រុកស៊ីធរកណ្ដាល ខេត្តព្រៃវែង។លោកអភិបាល ដោយមានការចូលរួមពីរក្រុមការងារកងវិស្វកម្ម និងអាជ្ញារធរឃុំ និងភូមិផងនោះ បានចុះពិនិត្យមើលសកម្មភាពធ្វើផ្លូវ ទាំងផ្លូវ ដែលបានកសាងហើយខ្លះ និងមិនទាន់បានកសាងសោះ ( គំរោងផ្លូវដែលត្រូវអភិវឌ្ឍន៍ ប៉ុន្តែនៅមានដើមឈើ និងរុក្ខជាតិជាច្រើន ) ដែលមានទីតាំងភូមិសាស្រ្ត ស្ថិតនៅក្នុងភូមិបន្លិចស្វាយ ឃុំព្នៅទី១ រហូតដល់ ភូមិតាង៉កទន្លេ ឃុំព្នៅទី២ ស្រុកស៊ីធរកណ្តាល ។ឆ្លៀតនៅក្នុងឱកាសនោះដែរ លោកម៉ននី បណ្ឌិត បានជួបសំណេះសំណាល សាកសួរសុខទុក្ខ កំលាំងវិស្វកម្មដែលកំពុងសាង់សង់ផ្លូវនេះ និងប្រជាពលរដ្ឋផងដែរ ដោយបាននាំយកនូវគ្រឿងបរិភោគមួយចំនួនទៅប្រគល់ជូនដល់ ក្រុមកងវិស្វកម្ម ដែលកំពុងធ្វើផ្លូវនៅទីនោះ ។ សូមបញ្ជាក់ផងដែរថា ផ្លូវដែលកំពុងសាងសង់នេះ ជាផ្លូវប្រវត្តិសាស្រ្ត ដែលមិនដែលមានពីមុនទេ៕
