សិស្សដែលប្រលងធ្លាក់កាលពីថ្ងៃទី២០ ខែសីហា ឆ្នាំ២០១៨មានសង្ឃឹមជាប់វិញខ្លះបន្ទាប់ពីក្រសួងអប់រំបូកស្រង់ពិន្ទុខុសបច្ចេកទេស

12


(ភ្នំពេញ)៖ ក្រសួងអប់រំ យុវជន និងកីឡា នៅថ្ងៃទី១៣ ខែកញ្ញានេះ បានចេញសេចក្តីប្រកាសព័ត៌មានបន្ទាន់មួយ ដោយសម្រេចនឹងចេញលទ្ធផលប្រឡងថ្មី នៃការប្រឡងសញ្ញាបត្រទុតិយភូមិ (បាក់ឌុប) ឆ្នាំ២០១៨ សម្រាប់ថ្នាក់វិទ្យាសាស្ត្រ នៅថ្ងៃទី១៤ ខែកញ្ញា ឆ្នាំ២០១៨ស្អែកនេះលើទំព័រហ្វេសប៊ុកនៃក្រសួង បន្ទាប់ពីរកឃើញប្រព័ន្ធកុំព្យួទ័រ មានកំហុសបច្ចេកទេស ។ ហើយថ្ងៃទី១៥ ខែកញ្ញា ឆ្នាំ២០១៨នឹងប្រកាសលទ្ធផលនៅតាមមន្ទីរអប់រំ យុវជន និងកីឡា ។
ក្រសួងអប់រំបញ្ជាក់ថា បន្ទាប់រកឃើញកំហុសបច្ចេកទេសនេះ ធ្វើឲ្យលទ្ធផលនៃការប្រឡងសញ្ញាបត្របាក់ឌុបប្រែប្រួល ដោយចំនួនអ្នកជាប់កើតឡើងដល់ ៧៦,០៣៤នាក់ ស្មើនឹង៦៧.០៧ភាគរយ។ បេក្ខជនជាប់និទ្ទេស A មានចំនួន ៤០៨នាក់ និទ្ទេស B ចំនួន ២,២២២នាក់ និទ្ទេស C ចំនួន ៦,០៤១នាក់ និទ្ទេស D ចំនួន ១៥,១៨០នាក់ និងនិទ្ទេស E ចំនួន ៥,២១៨៣នាក់ ។

ក្រសួងក៏ប្រកាសអោយដឹងដែរថា ថ្នាក់វិទ្យាសាស្ត្រសង្គម មិនមានការប៉ះពាល់ទេ ៕

 

Comments

comments