(ព្រះសីហនុ)៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ តំណាងឲ្យជនរងគ្រោះ សូមគោរពថ្លែងអំណរគុណយ៉ាងជ្រាលជ្រៅបំផុត ចំពោះសប្បុរសជនដែលបានបរិច្ចាគថវិកា ជួយឧបត្ថម្ភ ដល់លោកអនុសេនីយ៍ឯក ប៉េង សុង មន្ត្រីនគរបាលបាលចរាចរណ៍ផ្លូវគោកខេត្តព្រះសីហនុ ដែលជួបគ្រោះថ្នាក់ចរាចរណ៍ ក្នុងពេលកំពុងបំពេញភារកិច្ច ឈរបញ្ជាចរាចរណ៍ នៅផ្លូវបំបែកកែងរ៉ា ក្រុងព្រះសីហនុ កាលពីព្រឹកថ្ងៃទី៣០ ខែសីហា ឆ្នាំ២០១៨ កន្លងទៅនេះ បណ្ដាលឲ្យគាត់រងរបួសធ្ងន់ធ្ងរ បាក់ជើងទាំងពីរ និងបាក់ឆ្អឹងជំនី កំពុងចូលព្យាបាល នៅមន្ទីរពេទ្យ រាជធានីភ្នំពេញ ។
សប្បុរសជនដែលបានបរិច្ចាគថវិកា ជួយឧបត្ថម្ភ ដល់លោកអនុសេនីយ៍ឯក ប៉េង សុង រួមមាន៖
១.ឯកឧត្តម ស សុខា អ្នកតំណាងរាស្រ្តមណ្ឌល ខេត្តព្រៃវែង និងលោកជំទាវជួយឧបត្ថម្ភចំនួន៖ ៥០០ដុល្លារ ។ ២.លោកឧកញ៉ា អ៊ូ ឆាយ និងលោកជំទាវ ចំនួន ៥០០ដុល្លារ ។
៣.លោកឧកញ៉ាឡាវ កាង និងលោកជំទាវ ចំនួន២០០ដុល្លារ ។ ៤.ក្រុមហ៊ុនអាយឡែន ១.០០០.០០០រៀល ។
ជាថ្មីម្តងទៀតលោកស្នងការនគរបាលខេត្តព្រះសីហនុ ជំនួសមុខឲ្យជនរងគ្រោះ សូមគោរពថ្លែងអំណរគុណយ៉ាងជ្រាលជ្រៅ ចំពោះជំនួយសប្បុរសធម៌របស់ ឯកឧត្តម លោកជំទាវ លោក លោកស្រី ដែលបានយកចិត្តទុកដាក់បរិច្ចាគ ជួយឧបត្ថម្ភដល់មន្ត្រីថ្នាក់ក្រោម ដែលជួបគ្រោះថ្នាក់ នឹង កំពុងខ្វះខាតក្នុងការព្យាបាល ៕
