(ព្រះសីហនុ)៖ លោកវរសេនីយ៍ត្រី ឈុន រតនៈ អធិការរងនគរបាលស្រុកព្រៃនប់បានឲ្យដឹងថា៖ នៅថ្ងៃទី៣០ ខែសីហា ឆ្នាំ២០១៨ វេលាម៉ោង២៣ និង ៣០នាទី នគរបាលប្រឆាំងគ្រឿងញៀន របស់អធិការដ្ឋាននគរបាលស្រុកព្រៃនប់ បានចុះបង្រ្កាបបទល្មើសគ្រឿងញៀន មួយករណី នៅមុខវត្តវាលមាស ភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ ដោយឃាត់ខ្លួនជនសង្ស័យបាន ១នាក់ ឈ្មោះ មិច ចាវ ភេទប្រុស អាយុ ២១ឆ្នាំ មានទីលំនៅភូមិព្រែកផ្តៅ ស្រុកព្រៃកប្បាស ខេត្តតាកែវ មានមុខរបរ បើកឡានដឹកឥវ៉ាន់ ចាប់យកបានម្សៅក្រាមសថ្លា សង្ស័យ សារធាតុញៀន ១កញ្ចប់ ទូរស័ព្ទ ១គ្រឿង លុយរៀល ៦៥០០០ រៀល ។
បច្ចុប្បន្នជនសង្ស័យ រួមនិងភស្តុតាងកំពុងត្រូវបានសមត្ថកិច្ចកសាងសំណុំរឿងបញ្ជូនបន្តមកស្នងការនគរបាលខេត្តដើម្បីបញ្ជូនទៅសាលាដំបូងខេត្តព្រះសីហនុចាត់ការតាមនិតិវិធីច្បាប់ ៕
