(ព្រះសីហនុ)៖ បុគ្គលិកកាស៊ីណូជាច្រើននាក់ត្រូវបានមន្រ្តីនគរបាលខេត្តព្រះសីហនុ ពិសោធន៍រកមើលសារធាតុញៀន ។
លោកវរសេនីយ៍ទោ សួស សីលា នាយការិយាល័យនគរបាលប្រឆាំងគ្រឿងញៀន បានឲ្យដឹងថា៖ ដោយអនុវត្តតាមការណែនាំរបស់លោកឧត្តមសេនីយ៍ ជួន ណារិន្ទ ស្នងការនគរបាលខេត្តព្រះសីហនុ និងតាមសំណើរបស់ក្រុមហ៊ុនកាស៊ីណូ នៅថ្ងៃទី៥ ខែកញ្ញា ឆ្នាំ២០១៨ នេះកម្លាំងនគរបាលប្រឆាំងគ្រឿងញៀនខេត្តព្រះសីហនុ បានចុះមកធ្វើ ពិសោធន៍ទឹកនោម បុគ្គលិកសណ្ឋាគារ កាស៊ីណូវិមានខ្សាច់ស ក្បែរឆ្នេរអូរឈើទាលស្ថិតនៅក្នុងសង្កាត់លេខ៤ ក្រុង-ខេត្តព្រះសីហនុ ដើម្បីរកមើលសារធាតុញៀន ។
លោកសួស សីលា បានបញ្ជាក់ថា៖ ចំពោះបុគ្គលិកណាដែលរកឃើញ (វិជ្ជមាន) ផ្ទុកសារធាតុញៀន ជំនាញ និងបញ្ជូនឈ្មោះទៅឲ្យក្រុមហ៊ុន ដើម្បីមានវិធានការអប់រំណែនាំ និងធ្វើកិច្ចសន្យា ។ ពេលនេះមិនទាន់សរុបចំនួននៅឡើយទេ ការធ្វើពិសោធន៍កំពុងដំណើរការ ៕
