ព្រះសីហនុ៖នៅព្រឹកថ្ងៃទី៨ខែធ្នូ ឆ្នាំ២០១៩ នេះ លោកឧត្តមសេនីយ៍ទោជួនណារិន្ទស្នងការនគរបាលខេត្តព្រះសីហនុបានអនុញ្ញាតឲ្យសមត្ថកិច្ចជំនាញ ធ្វើការបង្ហាញមុខក្រុមចោរលួចឆក់យ៉ាងសកម្មចំនួន១១នាក់ ឲ្យអ្នកសារព័ត៌មានបានថតរូបនិងធ្វើការផ្សព្វផ្សាយ។
លោកឧត្តមសេនីយ៍ត្រី កុល ផាលី ស្នងការរងទទួលផែនព្រហ្មទណ្ឌបានឲ្យដឹងថា៖ក្រុមចោរលួចឆក់នេះ កន្លងមកបានធ្វើសកម្មភាព លួចឆក់យ៉ាងគគ្លើនបំផុត នៅក្នុងក្រុងព្រះសីហនុ ដោយឆក់យកទូរសព្ទដៃ និងកាបូបរបស់ជនរងគ្រោះ រួមមាន ខ្មែរ និងបរទេស និងការប្រើប្រាស់គ្រឿងញៀនផងដែរ ។
លោកកុល ផាលីបានបញ្ជាក់ថា៖ក្នុងកិច្ចប្រតិបត្តិការបង្ក្រាបក្រុមចោរលួចឆក់យ៉ាងសកម្មនេះ ដោយមានការបញ្ជាដឹកនាំផ្ទាល់ ពីលោកឧត្តមសេនីយ៍ទោជួន ណារិន្ទស្នងការនគរបាលខេត្តនិង លោកព្រះរាជអាជ្ញាអមសាលាដំបូងខេត្ត សម្របសម្រួលផ្នែកច្បាប់។
រហូតដល់ថ្ងៃទី៥ ខែធ្នូ២០១៩ វេលាម៉ោង៣:៣០នាទីទៀបភ្លឺកម្លាំងជំនាញផែននគរបាលព្រហ្មទណ្ឌបានធ្វើការស្រាវជ្រាវបង្ក្រាបបានជនសង្ស័យចំនួន១២នាក់ដែលបានប្រព្រឹត្តបទល្មើសអំពើលួចមានស្ថានទម្ងន់ទោស(ឆក់) យ៉ាងសកម្មនៅក្នុងក្រុង–ខេត្តព្រះសីហនុនិងធ្វើការកដហូតបានសម្ភារវត្ថុតាងមួយចំនួនធំ។
ជនសង្ស័យទាំង១១នាក់៖១–ឈ្មោះសឿនប៊ុនសែនភេទប្រុសអាយុ២០ឆ្នាំជនជាតិខ្មែរមុខរបរមិនពិតប្រាកដមានទីលំនៅក្រុមទី១៨ភូមិ១សង្កាត់១ក្រុង–ខេត្តព្រះសីហនុ។២–ឈ្មោះយៀនអានភេទប្រុសអាយុ១៦ឆ្នាំជនជាតិខ្មែរមុខរបរបុគ្គលិកកាស៊ីណូទីងស៊ឹងមានទីលំនៅក្រុមទី១៨ភូមិ១សង្កាត់១ក្រុង–ខេត្តព្រះសីហនុ។៣–ឈ្មោះសោដារ៉ាហៅប៉ាន់ភេទប្រុសអាយុ១៥ឆ្នាំជនជាតិខ្មែរមុខរបរសិស្សមានទីលំនៅក្រុមទី១៨ភូមិ១សង្កាត់១ក្រុង–ខេត្តព្រះសីហនុ។៤–ឈ្មោះផាតសុភីនភេទប្រុសអាយុ២០ឆ្នាំជនជាតិខ្មែរមុខរបរមិនពិតប្រាកដមានទីលំនៅក្រុមទី១៨ភូមិ១សង្កាត់១ក្រុង–ខេត្តព្រះសីហនុ។៥–ឈ្មោះលីមគីមស៊្រុនភេទប្រុសអាយុ១៩ឆ្នាំជនជាតិខ្មែរមុខរបរនៅផ្ទះមានទីលំនៅក្រុមទី១៨ភូមិ១សង្កាត់១ក្រុង–ខេត្តព្រះសីហនុ។៦–ឈ្មោះនីសុវណ្ណឌឿនភេទប្រុសអាយុ១៤ឆ្នាំជនជាតិខ្មែរមុខរបរនៅផ្ទះមានទីលំនៅភូមិ៣សង្កាត់៤ក្រុង–ខេត្តព្រះសីហនុ។៧–ឈ្មោះសេងសៀវមិនភេទប្រុសអាយុ១៧ឆ្នាំជនជាតិខ្មែរមុខរបរនៅផ្ទះមានទីលំនៅភូមិ១សង្កាត់១ក្រុង–ខេត្តព្រះសីហនុ។៨–ឈ្មោះឈុនណេតភេទប្រុសអាយុ១៥ឆ្នាំជនជាតិខ្មែរមុខរបរមិនពិតប្រាកដមានទីលំនៅភូមិ៥សង្កាត់៤ក្រុង–ខេត្តព្រះសីហនុ។៩–ឈ្មោះវ៉ុនវិច្ឆិកាភេទប្រុសអាយុ១៦ឆ្នាំជនជាតិខ្មែរមុខរបរមិនពិតប្រាកដមានទីលំនៅភូមិ១សង្កាត់៣ក្រុង–ខេត្តព្រះសីហនុ។១០–ឈ្មោះយន់សុខលីនភេទប្រុសអាយុ១៧ឆ្នាំជនជាតិខ្មែរមុខរបរជាងជួសជុលម៉ូតូមានទីលំនៅភូមិ១សង្កាត់១ក្រុង–ខេត្តព្រះសីហនុ។១១–ឈ្មោះគីសំណាងហៅប៊ីភេទប្រុសអាយុ១៧ឆ្នាំជនជាតិខ្មែរមុខរបរមិនពិតប្រាកដមានទីលំនៅភូមិ២សង្កាត់១ក្រុង–ខេត្តព្រះសីហនុ។ចាប់យកបានវត្ថុតាង៖–ម៉ូតូ៣គ្រឿង(មធ្យោបាយជិះប្រព្រឹត្តបទល្មើសឆក់) –ទូរស័ព្ទដៃចំនួន៨គ្រឿង(មានមួយចំនួនជាផលនៃអំពើឆក់) –កាបូបដៃ៤(ផលនៃអំពើឆក់) –ខ្សែកាបូប១(ផលនៃអំពើឆក់) –ឯកសារជាភាសាចិនមួយចំនួន(ផលនៃអំពើឆក់) –អត្តសញ្ញាណប័ណ្ណជនជាតិចិន២សន្លឹកនិងកាតមួយចំនួន(ផលនៃអំពើឆក់) –គ្រឿងញៀនមួយចំនួន –ថង់សម្រាប់ដាក់គ្រឿងញៀនមួយចំនួន–ដែកកេះមួយចំនួន –ដបសម្រាប់ប្រើប្រាស់គ្រឿងញៀនចំនួន–ដាវចំនួន១ដើម–កាំបិតប៉័ងតោ១ដើម–កូនកាំបិត១ដើម–កាំបិតស្នៀត១ដើម។
ករណីនេះសមត្ថកិច្ចនគរបាល បានកសាងសំណុំរឿងតាមនីតិវិធី បញ្ជូនទៅសាលាដំបូងខេត្តដើម្បីចាត់ការតាមច្បាប់ ៕
