បន្ទាយមានជ័យ៖ លោក គង់ កុសល និង ប្រពន្ធ ឈ្មោះ ទឹង សុខថង ជាប្រជាពលរដ្ឋរងគ្រោះបញ្ហាដីធ្លី នៅប៉ោយប៉ែត ដែលលោកឧត្ដមសេនីយ៍ ហង្ស ស៉ីផា និង បក្សពួក ធ្វើទុក្ខបុកម្នេញរយៈពេល ៥ ឆ្នាំ បានគោរពថ្លែងអំណរគុណចំពោះ ឯកឧត្ដម ជា សុផារ៉ា ឧបនាយករដ្ឋមន្ត្រី រដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់ និង ឯកឧត្ដម អភិបាលខេត្ត បន្ទាយមានជ័យ និង មន្ត្រីជំនាញសុរិយោដីខេត្តបន្ទាយមានជ័យ ដែលបានធ្វេីប្លង់ដីអោយពួកគាត់កាន់កាប់ត្រឹមត្រូវតាមច្បាប់ ។
មុននិងមន្ត្រីសុរិយោដីខេត្តបន្ទាយមានជ័យ និង ឯកឧត្ដម អភិបាលខេត្តបន្ទាយមានជ័យ សម្រេចចុះបញ្ជីដីធ្លី ជូនប្រជាពលរដ្ឋរងគ្រោះ គឺប្រជាពលរដ្ឋរងគ្រោះបានតតាំងក្ដីគ្នាតាំងពីតុលាការជាន់ទាបរហូតដល់តុលាការជាន់ខ្ពស់ បានសម្រេចក្ដីប្រកបដោយយុត្តិធម៌ជូនពលរដ្ឋរងគ្រោះកាន់កាប់ត្រឹមត្រូវតាមច្បាប់ ។ ជាពិសេស តុលាការកំពូល បានសម្រេចកាត់ក្ដី២ដងអោយ លោក គង់ កុសល និង ប្រពន្ធ ឈ្នះក្ដី ។
លោក គង់ កុសល និង ប្រពន្ធ ឈ្មោះ ទឹង សុខថង ព្រមទាំងក្រុមគ្រួសារ សូមគោរពជូនពរ ឯកឧត្ដម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និង ឯកឧត្ដមអភិបាលខេត្តបន្ទាយមានជ័យ និងមន្ត្រីជំនាញសុរិយោដីខេត្តបន្ទាយមានជ័យ សូមជួបប្រទះតែសេចក្ដីសុខ សេចក្តីចម្រើនជានិច្ចនិរន្ត ។
