ព្រឹកថ្ងៃទី ០៦ ខែកក្កដា ឆ្នាំ ២០១៧ ឯកឧត្តម ប៉ុញ សច្ចៈ អគ្គនាយកកិច្ចការបច្ចេកទេស ក្រសួងធនធានទឹកនិងឧតុនិយមបានដឹកនាំក្រុមការងារចុះពិនិត្យស្ថានភាពទឹកនិងការងារអន្តរាគមន៍សង្គ្រោះដំណាំស្រូវជូនបងប្អូនប្រជាកសិករនៅក្នុងខេត្តបន្ទាយមានជ័យ ។សូមជម្រាបជូនថា ការធ្លាក់ភ្លៀងមិនបានរាយប៉ាយល្អមួយរយៈកន្លងមកនេះ បានធ្វើឱ្យការងារបង្កបង្កើនផលស្រូវរបស់បងប្អូនប្រជាកសិករនៅតំបន់មួយចំនួនក្នុងខេត្តបន្ទាយមានជ័យ ពិសេសតំបន់ដែលនៅឆ្ងាយពីប្រភពទឹក ជួបបញ្ហាខ្វះខាតទឹកស្រោចស្រព ។ ឆ្លើយតបភ្លាមៗទៅនឹងបញ្ហានេះ មន្ទីរធនធានទឹក និងឧតុនិយមខេត្ត បានតម្លើងម៉ាស៊ីនបូមទឹកចល័តខ្នាតមធ្យម សរុបចំនួន ០៥ គ្រឿង ដើម្បីអន្តរាគមន៍សង្គ្រោះ ក្នុងនោះ នៅស្រុកព្រះនេត្រព្រះ ចំនួន ០៣ គ្រឿង ផ្ទៃដី ចំនួន ២.៨០០ ហិកតា និងស្រុកមង្គលបូរី ចំនួន ០២ គ្រឿង ផ្ទៃដី ចំនួន ៨៦០ ហិកតា។ប្រជាពលរដ្ឋបារម្ភនូវក្តីរីករាយនៅពេលមានទឹកសម្រាប់ធ្វើស្រែនឹងបានថ្លែងអំណរគុណដល់រាជរដ្ឋាភិបាលនឹងថ្នាក់ដឹកនាំមូលដ្ឋានដែលបានដោះស្រាយបញ្ហារបស់ពួកគាត់៕
