ឪសថអត់ច្បាប់២៩មុខទម្ងន់ជាង៤តោននាំចូលពីប្រទេសថៃត្រូវសមត្ថកិច្ចបង្ក្រាប

          ភ្នំពេញ៖  ឪសថ ចំនួន២៩មុខ នាំចូលពីប្រទេសថៃ អត់ច្បាប់អនុញ្ញាតិ ទម្ងន់ជាង ៤តោន ត្រូវបានកម្លាំងនគរបាល នាយកដ្ឋាន ប្រឆាំងបទល្មើស សេដ្ឋកិច្ច ក្រសួងមហាផ្ទៃ បង្ក្រាប កាលពីវេលាម៉ោង ១៥ និង៣០នាទី រសៀលថ្ងៃទី៦ ខែកក្កដា ឆ្នាំ២០១៧ នៅចំណុចក្នុងបរិវេណ ហ្គ្រែនភ្នំពេញ ផ្ទះលេខ៣២ ភូមិអន្លុងក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ ។ប្រតិបត្តការណ៍នេះដឹកនាំបង្ក្រាបដោយលោកឧត្តមសេនីយ៍ទោ ឡុង ស្រេង អនុប្រធាន នាយក​ដ្ឋាន នគរបាលប្រឆាំងបទល្មើស សេដ្ឋកិច្ច ក្រសួងមហាផ្ទៃ ដោយមានការសម្របសម្រួលពីលោក លី សុផាណា ព្រះរាជអាជ្ញារអមសាលាដំបូងរាជធានីភ្នំពេញសហការជាមួយមន្ត្រីការិយាល័យ សុខា​ភិ​បាល រាជធានីភ្នំពេញនិងអាជ្ញាធរមូលដ្ឋាន ។ លោកឧត្តមសេនីយ៍ទោ ឡុង ស្រេង អនុប្រធាន នាយក​ដ្ឋាន នគរបាលប្រឆាំងបទល្មើស សេដ្ឋកិច្ច ក្រសួងមហាផ្ទៃ ប្រាប់ឲ្យដឹងថា ដោយមានការស្រាវជ្រាវរយះពេលជាង ១០ថ្ងៃ ទើបកំណត់ ទីតាំងបានពិតប្រាកដ  រហូតឈានដល់ការចុះបង្ក្រាបតែម្តង ដកហូត ឪសថ ចំនួន ២៩មុខ ដែលនាំចូល​ពី​ប្រទេស​ថៃ ពុំមានច្បាប់អនុញ្ញាតិត្រឹមត្រូវនោះទេ ។ លោកឧត្តមសេនីយ៍ប្រាប់បន្តថា ម្ចាស់ទីតាំងឈ្មោះ ខូវ សាត ភេទប្រុស អាយុ៤៩ឆ្នាំ មាន​ទី​លំ​នៅ ផ្ទះលេខ៣១ E0  ផ្លូវលេខ៣៧៤ ភូមិ៥ សង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ ត្រូវបានឃាត់ខ្លួនយកទៅសួរនាំ ដើម្បីចាត់ការតាមច្បាប់ ។ ដោយ​ឡែក ឪសថ ចំនួន ២៩មុខ ទម្ងន់ ៤២០០គីឡូក្រាម ស្មើរជាង ៤ តោន ដែលអត់ច្បាប់អនុញ្ញាតិ​ទាំង​នោះ ក៏​ត្រូវបាន​​ដឹកបញ្ជូនយកទៅធ្វើការពិសោធន៍ ដើម្បីបញ្ជាក់ថា ពិត ឬ ក្លែងក្លាយផងដដែរ ៕