ល្បីលោកមេប៉ុស្តិ៍នគបាលការពារព្រំដែនគោកច្រក៤០០នាំរថយន្តចង្កូតស្តាំចូលដោយគ្មានមន្ត្រីជំនាញហានបង្ក្រាប

យោងតាមសេចក្តីរាយការណ៍ជាបន្តបន្ទាប់បានឲ្យដឹងថា: លោកស័ក្ត៣ ឈ្មោះ ម៉ី ណាន់ ជានាយប៉ុស្តិ៍នគបាលការពារព្រំដែនគោកប្រចាំការនៅចំណុចច្រកតំបន់៤០០ស្រុកសំឡូត នៃខេត្តបាត់ដំបងក្អេងក្អាងខ្លាំងនៅព្រំដែនទិសសំឡូត បានឃុបឃិតគ្នានាំរថយន្តចង្កូតស្តាំរដែលប្រមុខរាជរដ្ឋាភិបាលហាមឃាត់ចូលមកតាមច្រក៤០០ខាងលើដោយគ្មានញញើតនិងច្បាប់បន្តិចសោះឡើយ។យោងតាមការបង្ហើបឲ្យដឹងពីស្ថាប័នពាក់ព័ន្ធជាច្រើនរួមជាមួយមន្ត្រីនៃស្ថាប័នជំនាញបានបង្ហើបយ៉ាងច្បាស់ថា:មានរថយន្តចង្កូតស្តាំជាច្រើនគ្រឿងដែលត្រូវបានលោកនាយប៉ុស្តិ៍ ម៉ី ណាន់ និងគូរកនបាននាំចូលមកពីប្រទេសថៃ តាមច្រក៤០០ខាងលើហើយមានអ្នករត់ការធ្វើឯកសារបន្លំភ្នែកមហាជនទៀតផង ។ដោយឡែករថយន្តចំនួន០២គ្រឿង ០១គ្រឿងម៉ាក(ឌឺម៉ិច)ពាក់ផ្លាកលេខ(ខ.ម) លោក ម៉ី ណាន់ ទុកឲ្យកូនប្រើប្រាស់  និងមួយគ្រឿងទៀតម៉ាក(ហ្វត)ពណ៍ស ពាក់ផ្លាកលេខដែលជាប់មកពីប្រទេសថៃ ជាភាសារថៃ ២៩៣ ដូចក្នុងរូបត្រូវលោកមេប៉ុស្តិ៍ ម៉ី ណាន់ទុកសម្រាប់ប្រើប្រាស់ដោយខ្លួនឯងជាប្រចាំ។ប្រភពយ៉ាងច្បាស់ការមួយទៀតបានបញ្ជាក់ថា:រថយន្តម៉ាក(ហ្វតពណ៍ស)ខាងលើត្រូវបានកម្លាំងកងរាជអាវុធហត្ថខេត្តបាត់ដំបង ចាប់ម្តងរួចទៅហើយកាលពីថ្ងៃទី០៤ខែកក្កដា ២០១៧នេះ ហើយរថយន្តម៉ាក(ហ្វតពណ៍ស)នេះកាលកម្លាំង អ.ហ ចាប់មិនមែនពាក់ផ្លាកលេខថៃ២៩៣ នេះទេ គឺផ្លាកលេខ៥៦៤៧ ។ ប៉ុន្តែមិនដឹងថាមូលហេតុអីបានជាកម្លាំង អ អ ខេត្តបាត់ដំបងអនុញ្ញាតិឲ្យលោក ម៉ី ណាន់ យករថយន្តទៅប្រើប្រាស់វិញ។ប្រភពច្បាស់ការដដែលបន្តថា:មូលហេតុដែលមន្ត្រីគយមិនបង្ក្រាបរថយន្តចង្កូតស្តាំដែលលោកនាយប៉ុស្តិ៍ស័ក្ត០៣ ម៉ី ណាន់ និងគូរកន បាននាំចូលពីបរទេសថៃតាមច្រក៤០០ខាងលើគឺដោយសារតំបន់ព្រំដែនរញេរញៃមន្ត្រីសមត្ថកិច្ចនៅទីតំបន់នោះជាពិសេសលោក ម៉ី ណាន់ តែម្តងសុទ្ធតែជាមនុស្សពោពេញដោយច្បាប់ព្រៃនៅឡើយទើបមន្ត្រីគយមនហានបង្ក្រាបដោយសារខ្លាចមានគ្រោះថ្នាក់ដល់មន្ត្រីគយខ្លួនឯង។ពាក់ព័ន្ធករណី លោកស័ក្ត០៣ ម៉ី ណាន់ និងគូរកន នាំរថយន្តចង្កូតស្តាំចូលល្មើសច្បាប់ខាងលើ នៅរសៀលថ្ងៃទី០៦ ខែកក្កដា ២០១៧នេះ យើងខ្ញុំបានព្យាយាមទៅទំនាក់ទំនងជាមួយលោក ម៉ី ណាន់ ដែលជានាយប៉ុស្តិ៍ប្រចាំច្រកតំបន់៤០០នេះ ដើម្បីឲ្យលោកជួយពន្យល់ក្រែងមានការយល់ច្រឡំនូវប្រការណាមួយ ប៉ុន្តែគួរឲ្យសោកស្តាយបំផុត ដោយសារលោក ម៉ី ណាន់ មិនសហការណ៍និង ប្រត្តិកម្មយ៉ាងខ្លាំងខណះយើងខ្ញុំបានថតរូបរថយន្តចង្កូតស្តាំពណ៍ខៀវចំណុះប្រហែល០៥តោន០១គ្រឿងផ្សងទៀតដែលចតនៅក្នុងបរិវេណប៉ុស្តិ៍នគបាលច្រក៤០០ខាងលើនោះ។បញ្ហានេះយើងខ្ញុំនៅពុំទាន់បានសុំការពន្យល់ពីលោកប្រធានសាខាគយនិងរដ្ឋករខេត្តបាត់ដំបង នៅឡើយទេ ៕