រតនគិរីៈ ហេតុការណ៍នេះ បានកើតឡើង កាលពីរសៀលថ្ងៃទី៣ ខែសីហា ឆ្នាំ២០១៧ ស្ថិតនៅភូមិ២ ឃុំត្រពាំងក្រហម ស្រុកកូនមុំ ខេត្តរតនគិរី។ បុរសម្នាក់ បានឡើងប្រក់ដំបូលផ្ទះកម្ពស់៧ម៉ែត្រ ហើយរអិលជើងធ្លាក់ផ្ងារក្រោយដល់ដីចំក្បាលប៉ះនឹងឈើបែកស្លាប់ភ្លាមៗមួយរំពេច។ជនរងគ្រោះមានឈ្មោះ ច្រឹប ឆេង ភេទប្រុស អាយុ៤៣ឆ្នាំ មុខរបរកសិករ មានស្រុកកំណើតនៅភូមិលីបូ ឃុំត្រាំកក់ ស្រុកត្រាំកក់ ខេត្តតាកែវ។ បច្ចុប្បន្នរស់នៅភូមិ២ ឃុំត្រពាំងក្រហម ស្រុកកូនមុំ ខេត្តរតនគិរី។ក្រោយពីកើតហេតុ កម្លាំងនគរបាលប៉ុស្តិ៍ បានចុះទៅពិនិត្យ និងបានប្រគល់សាកសពឲ្យក្រុមគ្រួសារដឹកជញ្ជូនតាមរថយន្តទៅស្រុកកំណើត ដើម្បីយកទៅធ្វើបុណ្យតាមប្រពៃណី៕
