ខេត្តព្រះសីហនុ ៖ សាកសពបុរសម្នាក់ ត្រូវបានប្រជានេសាទ ប្រទះឃើញអណ្តែតទឹកសមុទ្រ កាលពីម៉ោងប្រមាណ10ព្រឹក ថ្ងៃទី4សីហានេះ នៅតំបន់ទំនប់រលក ស្ថិតនៅសង្កាត់លេខ1 ក្រុង/ខេត្តព្រះសីហនុ។ មន្ត្រីកងរាជអាវុធហត្ថស្នាក់ការសន្តិសុខទំនប់រលក បានឲ្យដឹងថា សពជនរងគ្រោះមានឈ្មោះម៉ន ឆុន ភេទប្រុស អាយុ46ឆ្នាំ ជនជាតិខ្មែរ មុខរបរកម្មករនេសាទ រស់នៅលើទូកស្រុកកំណើត ភូមិគរ ឃុំដូនគឹង ស្រុកកំចាយមា ខេត្តព្រៃវែង។ ប្រពន្ធឈ្មោះ មឿន ហៀប អាយុ39ឆ្នាំ ។ប្រភពពីក្រុមគ្រួសារសពថា ឈ្មោះ ម៉ន ឆុន(សព) នេះបានលោតទឹកសំលាប់ខ្លួន កាលពីម៉ោង4និង20នាទីទាបភ្លឺ ថ្ងៃទី3សីហា ម្សិលមិញនេះ។ទំនងជា បុរសរងគ្រោះសង្ស័យកើតជំងឺកំរោលចូល (ចាញ់សម្បថជាមួយប្រពន្ធ ថានឹងឈប់ពាក់ព័ន្ធជាមួយស្រីញីខាងក្រៅផ្ទះហើយ ប៉ុន្តែប្តីគាត់នៅតែបន្តទាក់ទងជាមួយស្រីស្នេហ៌រហូត)។កន្លងមកបុរសម្នាក់នេះធ្លាប់បានលោតទឹកសំលាប់ខ្លួនចំនួន2លើករួចមកហើយ តែនៅលើកមុនៗនោះត្រូវគេឃាត់និងជួយសង្គ្រោះទាន់ពេល។ បច្ចុប្បន្នសពត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណីខ្មែរ៕
