អ្នកជំនាញផ្នែកសម្រស់បានធ្វើការណែនាំឱ្យប្រើប្រាស់ទឹកកកដើម្បីថែទាំ និងព្យាបាលស្បែកដែលខូចខាតអស់ពេលជាយូរមកហើយ ព្រោះវាបានផ្តល់នូវអត្ថប្រយោជន៍យ៉ាងទូលំទូលាយ។
ខាងក្រោមនេះគឺជាអត្ថប្រយោជន៍នៃការប្រើប្រាស់ទឹកកកព្រឹក ល្ងាច៖
១. ធ្វើឱ្យស្បែកម៉ដ្ឋរលោង
ជាតិខ្លាញ់ដែលកើតឡើងនៅលើស្បែក និងរន្ធញើសធំៗត្រូវបានកម្ចាត់ចោលដោយសារតែការប្រើទឹកកកម៉ាស្សាលើផ្ទៃមុខទៀងទាត់។ នេះជាវិធីមួយដែលធ្វើឱ្យស្បែកម៉ដ្ឋរលោង ហើយមានភាពស្រស់ថ្លា។
២. ជួយឲ្យលំហូរឈាមមានភាពប្រសើរឡើង
ការប្រើប្រាស់ទឹកកកមកធ្វើការម៉ាស្សានឹងជួយបង្កើនចរាចរឈាមនៅក្រោមស្បែក។ នេះជាដំណោះស្រាយដ៏អស្ចារ្យមួយសម្រាប់ការរលាក និងហើម។
៣. អស្ចារ្យសម្រាប់ការហើមភ្នែក
ប្រើវិធីម៉ាស្សានៅលើស្បែកនឹងជួយកាត់បន្ថយមិនឱ្យមានអាការៈហើមភ្នែកបាន។
៤. កម្ចាត់ស្នាមជ្រួញ
ទឹកកកអាចបន្ថយភាពជ្រីវជ្រួញ និងអាចពន្យឺតការបង្កើតនៃការជ្រួញសារជាថ្មី។
៥. បញ្ចៀសស្នាមជាំ
ម៉ាស្សាទឹកកកថ្នមៗនៅលើស្បែកអាចបន្ថយការរលាក បន្ថយការហើម និងឡើងក្រហម ដូច្នេះវាគឺជាមធ្យាបាយដោះស្រាយដ៏ល្អសម្រាប់ការកើតមុនផងដែរ៕
