(ព្រះសីហនុ)៖ នៅរសៀលថ្ងៃទី២១ ខែកក្កដា ឆ្នាំ២០១៨នេះ ឯកឧត្តម ជួន ណារិន្ទ ប្រធានខទី២៧ ក្រុមការងារគណបក្សប្រជាជនកម្ពុជាខេត្តព្រះសីហនុ បានដឹកនាំសហការី នាំយករទេះរុញជនពិការចំនួន៥ អង្ករ និងមី មួយចំនួនទៅជួយឧបត្ថម្ភជនពិការ៥នាក់ នៅក្នុងមូលដ្ឋានសង្កាត់លេខ៣ ក្រុងព្រះសីហនុ ។
បងប្អូនជនពិការទាំង៥នាក់ មានលំនៅឋាននៅភូមិ៣ សង្កាត់លេខ៣ ក្រុងព្រះសីហនុ ។ គាត់ជាមនុស្សចាស់ មានជំងឺលេីសឈាម ហេីយពិការ មិនអាចដេីរបានឡេីយ បងប្អូនជនពិការទាំង៥នាក់រួមមាន៖ ១.ឈ្មោះសួន សំបូរ ភេទប្រុស អាយុ៦២ឆ្នាំ, ២.ឈ្មោះអុឹង គឹមអុី ភេទស្រី អាយុ៦៥ឆ្នាំ, ៣.ឈ្មោះវី ហាក់ ភេទស្រី អាយុ៧០ឆ្នាំ,៤.ឈ្មោះឈិន ឆេន ភេទស្រី អាយុ៦៨ឆ្នាំ, ៥.ឈ្មោះ កែវ សុខា ភេទស្រី អាយុ៦៦ឆ្នាំ ។
អំណោយដែលឯកឧត្តម ជួន ណារិន្ទ ឧបត្ថម្ភជូនគាត់ទាំង៥នាក់ ក្នុងម្នាក់ៗទទួលបានរទេះរុញសម្រាប់ជនពិការ១គ្រឿង អង្ករមួយបាវតូច និងមីចំនួន២កេះផងដែរ ៕
