ការលើកទឹកចិត្ត គឺជាគោលគំនិតដ៏សំខាន់មួយក្នុងគោលបំណងជំរុញទឹកចិត្តបុគ្គលិកឲ្យខិតខំធ្វើការងារដើម្បីសម្រេចឲ្យបាននូវគោលដៅដែលស្ថាប័នណាមួយចង់បាន។ មិនថាជាមន្ត្រីរាជការ មន្ត្រីធ្វើការលើវិស័យឯកជន អង្គការ ឬកម្មករប្រើកម្លាំងកាយនោះទេ គឺមេដឹកនាំឬចៅហ្វាយរបស់ពួកគេតែងតែលើកទឹកចិត្តដល់ពួកគេជានិច្ច ក្នុងការធ្វើកិច្ចការងារ។
វិធីសាស្ត្រលើកទឹកចិត្តដ៏មានប្រសិទ្ធភាពដែលមេដឹកនាំនិងចៅហ្វាយទាំងនោះតែងតែអនុវត្តន៍រួមមាន៖ ការផ្តល់ជាវគ្គបណុះបណ្តាលដល់បុគ្គលិកបន្ថែម។ មេដឹកនាំឬចៅហ្វាយនាយជួយបង្ហាត់បង្រៀន និងធ្វើការងារនោះជាមួយបុគ្គលិកដោយផ្ទាល់។ បង្កើនភាពស្និតស្នាលជាមួយបុគ្គលិកឲ្យដូចបងបង្អូន និងចាត់ទុកបុគ្គលិកទាំងអស់ដូចជាគ្រួសារតែមួយ។ និងផ្តល់រង្វាន់ដល់បុគ្គលិកដែលមានស្នាដៃល្អដូចជា៖ ការផ្តល់ជាប្រាក់លើកទឹកចិត្ត ដំឡើងតំណែងការងារ យកចិត្តទុកដាក់ខ្ពស់ចំពោះបុគ្គលិកដែលមានវិន័យ ក្នុងការបំពេញលក្ខខណ្ឌការងារ និងផ្តល់រង្វាន់ជាសម្ភារៈប្រើប្រាស់ផ្សេងៗជាដើម។
តើការលើកទឹកចិត្តមានប្រយោជន៍ដល់មេដឹកនាំ ចៅហ្វាយនាយ ឬស្ថាប័នរបស់គេយ៉ាងដូចម្តេច?
ទី១) បង្កើនប្រសិទ្ធិភាពការងារ៖ បុគ្គលិកមានទឹកចិត្តធ្វើការ មានគំនិតច្នៃប្រឌិតខ្ពស់ ចេះជួយការងារគ្នាទៅវិញទៅមក ហើយពួកគេបំពេញការងារដោយរហ័សរហួន ទៀងទាត់ប្រកបដោយវិន័យ និងមានប្រសិទ្ធិភាពទៀតផង។
ទី២) បង្កើនទំនួលខុសត្រូវកាន់តែខ្ពស់៖ បុគ្គលិកមានស្មារតីផ្ចិតផ្ចង់លើកិច្ចការដែលពួកគេធ្វើ ប្រកបដោយការទទួលខុសត្រូវខ្ពស់ និងមិនច្រណែនឬប្រចាំគ្នាពេលបំពេញការងារឡើយ។
ទី៣) ធ្វើឲ្យសម្រេចគោលដៅបានឆាប់រហ័ស៖ នៅពេលដែលបុគ្គលិកបំពេញការងារបានលឿនប្រកបដោយប្រសិទ្ធភាពខ្ពស់ និងមានស្មារតីទួលខុសត្រូវលើកិច្ចការបានខ្ពស់ នោះប្រាកដជាឆ្លើយបតតាមគោលដៅដែលចង់បានជាពុំខាន។
ទី៤) បំពេញគោលដៅរួម៖ បង្ហាញពីគោលបំណងដែលឈានទៅដល់ភាពជោគជ័យរបស់ការងារ ដោយវែកញែក ភាគល្អិតតូច មកធ្វើជាការបង្ហាត់បង្ហាញដល់បុគ្គលិក ឱ្យមានក្តីសុបិន្តរួម៕
អត្ថបទដោយ៖ យូរ សេរីវឌ្ឍនៈ
